Маълумки, ҳар мавсум якунланган сўнг, янги мавсум бошида "Истиқлол" санъат саройида "Мавсум хитлари" тақдимот маросими ўтказилади. Ҳар фаслда одатга айланиб улгурган ушбу концертни мухлислар интизорлик билан кутишади. Мана куз фасли билан хайрлашиб, қишни кутиб олганимизга ҳам бир неча кунлар бўлди. Мазкур мавсумнинг энг хит тароналарини аниқлаш ва хонандаларни тақдирлаш учун навбатдаги "Мавсум хитлари" тақдимот маросими 20, 21-декабрь кунлари "Истиқлол" санъат саройида ўтказилади. Энг муносиблар тақдирланадиган ушбу дастур ҳар доимгидек кутилмаган туҳфаларга бой бўлишига шубҳамиз йўқ. Кутинг ва кузатинг. Албатта дастурга ташриф буюриб, барчасига ўзингиз гувоҳи бўлинг. |
Қиш мавсумида бўлиб ўтаётган кинофильмлар кетма кетлиги давом этади. Серқирра ижодкор Аҳад Қаюм яна бир фильмини премьера қилиш арафасида. "Муҳаббат ва Нафрат" номли ушбу картина Аҳад Қаюмнинг катта экранларга чиқиши кутилаётган иккинчи фильмидир. Олдинроқ унинг "Натижа" номли кино асари ҳам тайёрлиги ҳақида хабар берган эдик. |
Маълумки, февраль ойида Райҳон бир неча йиллардан бери анъанага айланган концерт дастурини тақдим этади. 2018 йил 19 февралдан 23 февралгача бўлиб ўтадиган навбатдаги шоу учун хонанда бир нечта кутилмаган туҳфаларга бой бўлиши шубҳасиз. Айни дамда ижодини бошлаганига 2018 йилда 18 йил тўладиган хонанда, ҳисоб бўйича 15- яккахон концерт дастури учун янги ғоялар устида ижодий жамоаси билан қизғин иш олиб бормоқда. Кутилаётган концертда хонанда янги қўшиқларини ўзгача йўналишда тақдим этишни, шунингдек 15 йил давомида ижро этилган тароналарни мухлислари билан бирга куйлаб, улар билан бир неча йиллар ортга бир онга бўлсада қайтишни режалаштирган. Концерт режиссёрлигини ҳам ўз зиммасига олган Райҳон дастурда янги ва кутилмаган дуэтларни ҳам ваъда қилмоқда.
|
Ўзбекистонда хизмат кўрсатган артист Сардор Раҳимхон сўнгги кунларда қизғин ижод билан банд. Гастрол сафарлари, турли тадбирлар бўлишига қарамай, у мухлислари учун бир нечта совға тайёрлаб қўйганини ва янги йил олди бирин кетин тақдим қилишини маълум қилди. Улардан бири "Умидвор юрак" таронаси ва унга ишланган клип бўлса, иккинчиси "Нархи қанча меҳрни айтинг" қўшиғи учун тасвирга туширилган видеоклипидир. Шунингдек, олисдаги ватандошларимиз учун махсус ёзилган "Мусофир" таронасининг премьераси ҳам айнан янги йил учун аталган туҳфалардан биридир. Янги йилга севимли хонандангизнинг атаган совғалари, албатта сизларга манзур келади деб умид қиламиз. |
Хушовоз хонанда Шоира Отабекова ижодидаги қисқа танаффусдан сўнг "Фарёдим" қўшиғи билан ижодга қайтди. Тоҳир Муҳаммад сўзи ва Роберт Мирзоян мусиқаси билан яратилган қўшиқ клипи билан оммага тақдим этилиши режалаштирилган. Айни дамда хонанда ва унинг ижодий жамоаси мазкур қўшиқнинг клипи устида қизғин иш олиб бормоқда. Клипнинг трек қисми "Борса келмас" номли манзилда, жуда суратга туширилди. Сюжети эса пойтахтимизда тасвирга олинади. Тез кунларда премьера қилиниши кўзда тутилган бу ижод маҳсули ўйлаймизки, барчага бирдек манзур келади. |
|
|
|
Президент Шавкат Мирзиёевнинг Ўзбекистон Республикаси Конституцияси қабул қилинганининг 25 йиллигига бағишланган тантанали маросимдаги маърузаси
|